«Հրապարակ»․ Ժամկետը լրացավ. այսօր կգաղտնազերծվեն բոլոր ցուցակները

«Հրապարակ» թերթը գրում է․ «Այսօր Կենտրոնական ընտրական հանձնաժողով կներկայացվեն կուսակցությունների եւ կուսակցությունների դաշինքների փաստաթղթերը՝ նախընտրական ցուցակները, պատգամավորության թեկնածուների փաստաթղթերը՝ դիմումներ, բնակության վայրի տեղեկանքներ եւ տեղեկանք հայոց լեզվին տիրապետելու մասին։ Երեկ բոլոր կուսակցությունների շտաբներում վերջին աշխատանքներն էին տարվում՝ փաստաթղթերն ամբողջացնելու համար։ Վաղվանից սկսվում է գրանցման փուլը՝ երբ ԿԸՀ-ն ստուգում է ներկայացված փաստաթղթերը եւ գրանցում հայտատուին, եթե հայտը բավարարում է օրենքի պահանջներին»։