Ֆրանսիան հանդես է գալիս՝ Աֆղանստանի հարցով ՌԴ-ի, ԱՄՆ-ի եւ Եվրոպայի երկրների հետ համագործակցության օգտին. Մակրոն

Ֆրանսիան պատրաստ է ակտիվորեն աջակցել Ռուսաստանի, ԱՄՆ-ի եւ ԵՄ-ի միջեւ համագործակցությանը՝ Աֆղանստանում իրավիճակի կարգավորման համար, այդ թվում՝ ՄԱԿ-ի Անվտանգության խորհրդի գծով: Այս մասին երկուշաբթի հայտարարել Է Ֆրանսիայի նախագահ Էմանուել Մակրոնը՝ Ազգային պաշտպանության խորհրդից հետո։

«Կայունության վերադարձը պետք է տեղի ունենա ՄԱԿ-ի Անվտանգության Խորհրդում ակտիվ քաղաքական և դիվանագիտական աշխատանքի դեպքում։ Աֆղանստանը չպետք է ահաբեկիչների համար ապաստան դառնա, ինչպիսին նախկինում էր։ Դա պայման է՝ ընդհանուր թշնամու՝ ահաբեկչության, և նրան սատարողների դեմ աշխարհում խաղաղության և կայունության համար», - ասել է նա։ «Այս առումով մենք ամեն ինչ անելու ենք, որպեսզի Ռուսաստանը, ԱՄՆ-ն և Եվրոպան կարողանան արդյունավետ համագործակցել, քանի որ մեր շահերը համընկնում են»:

Նա հավելել է, որ Ֆրանսիան իր կողմից կշարունակի ակտիվ պայքարը Իսլամական ահաբեկչության դեմ եւ մատնանշել Է Աֆղանստանում ահաբեկչական խմբավորումների հնարավոր փորձերը՝ իրադրության ապակայունացումից օգուտ քաղելու ուղղությամբ: Մակրոնը նաեւ ընդգծել է, որ Եվրոպան չի կարողանա միայնակ հաղթահարել Աֆղանստանի ճգնաժամի հետեւանքները՝ մասնավորապես հիշատակելով միգրացիոն հոսքերի ավելացումը: Նա հայտարարել է եվրոպական այլ երկրների եւ մասնավորապես Գերմանիայի հետ փախստականների ընդունման համատեղ նախագծերի մասին, ինչպես նաեւ հայտարարել է Թուրքիայի, Իրանի եւ Պակիստանի կարգի տարանցիկ երկրների հետ համագործակցության ծրագրերի մասին: