Տղամարդն ամուսնացել է եռյակի հետ՝ քույրերին իրարից չբաժանելու համար

Կոնգոյի բնակիչն ամուսնացել է եռյակի հետ, քանի որ քույրերը չեն ցանկացել բաժանվել իրարից, գրում է Oddity Central-ը։ Ինքը՝ փեսան, սկզբում դեմ էր նման մտքին, բայց հետո հասկացավ, որ այլընտրանք չունի։

Լուվիզո անունով 32-ամյա տղամարդը սոցիալական ցանցում ծանոթացել է Նատալի անունով աղջկա հետ։ Կոնգոյի բնակիչն ամենալավ տպավորությունն է թողել նրա վրա, սակայն տղամարդուն սիրահարվել է ոչ միայն հենց աղջիկը, այլ նաև վերջինիս երկու երկվորյակ քույրերը, որոնք իրենց համար հենց այդպիսի ամուսին էին ցանկանում։

Երբ Լուվիզոն ամուսնության առաջարկ արեց Նատալիին, վերջինս պայման դրեց՝ կամ նա կամուսնանա իր և քույրերի հետ, կամ հարսանիք չի լինի։

«Նա շոկի մեջ էր: Բայց ոչինչ չէր կարող խանգարել մեր ծրագրերին, քանի որ մենք սիրում ենք իրար», - ասել է Նատալին:

Բացի այդ, Լուվիզոն եռյակից իմացել է, որ նրանք հաճախ են իրեն խաբել՝ նմանակելով Նատալիին։ Կանայք հերթով զբոսնել են նրա հետ, իսկ փեսան նույնիսկ չի իմացել, որ դա իր սիրելիի քույրն է։

«Ես շփոթված էի: Ես ամաչում էի, որ չկարողացա ամուսնանալ միայն Նատալիի հետ՝ թողնելով նրա երկու քույրերին », - կիսվել է նա:

Տղամարդու՝ բազմակնության որոշումն այնքան էլ դուր չի եկել նրա ընտանիքին. նրա ծնողները նույնիսկ հարսանիքին չեն եկել: Սակայն Լուվիզոյին աջակցում է քույրը, որը նրան երջանկություն է մաղթում։

«Չնայած նրան, որ ծնողները նրան արհամարհում են, ես կաջակցեմ նրան»,- խոստովանել է կինը։