Սաուդյան Արաբիայում կատարվել է աշխարհում առաջին ամբողջովին ռոբոտացված սրտի փոխպատվաստումը

Սաուդյան Արաբիայում թագավոր Ֆեյսալ իբն Աբդուլ-Ազիզի անվան հետազոտական կենտրոնի (KFSHRC) և մասնագիտացված հիվանդանոցի մասնագետներն իրականացրել են աշխարհում առաջին ամբողջովին ռոբոտացված սրտի փոխպատվաստումը: Դրա մասին հայտնել է Saudi Press Agency-ն (SPA):

Վիրահատվողը սրտի անբավարարության վերջին փուլից տառապող 16-ամյա հիվանդն էր: Վիրահատությունը տևել է 2,5 ժամ։ Բժիշկների թիմը՝ սրտի վիրաբուժության բաժանմունքի ղեկավար և Ռոբոտաշինության և նվազագույն ինվազիվ վիրաբուժության ծրագրի տնօրեն դոկտոր Ֆերաս Հալիելի գլխավորությամբ, մի քանի շաբաթ պատրաստվել է փոխպատվաստմանը, հաղորդում է TV BRICS-ը։

Բժիշկների թիմը նախ մշակել է ծրագիր՝ ռիսկերը նվազագույնի հասցնելու միտումով, ապա նաև վիրաբուժական ռազմավարություն, որի շնորհիվ հնարավոր է դարձել հասանելի լինե:լ հիվանդի սրտին՝ առանց նրա կրծքավանդակը բացելու: Նախքան վիրահատությունը, մասնագետները երեք օր շարունակ յոթ անգամ կատարել են պրոցեդուրան բժշկական սիմուլյատորների վրա:

SPA-ն ընդգծում է, որ սաուդցի բժիշկների այս ձեռքբերումը ամրապնդում է երկրի առաջնորդությունը առողջապահության ոլորտում և ցույց է տալիս հետազոտական կենտրոնի՝ բժշկության մեջ նորարարական եղանակներ կիրառելու կարողությունը։ Սրտի այս փոխպատվաստումը հնարավորություն է ընձեռում նվազեցնելու բարդությունների վտանգը և խուսափել ավանդական վիրահատություններից, որոնցից հետո տևական վերականգնում է պահանջվում

Թագավոր Ֆեյսալ իբն Աբդուլ-Ազիզի անվան հետազոտական կենտրոնի գլխավոր տնօրեն, դոկտոր Մաջիդ ալ-Ֆայադը նույնպես այս պրոցեդուրան իրական առաջընթաց է անվանել սրտի փոխպատվաստման ոլորտում 1960-ականների առաջին փոխպատվաստումից ի վեր:

«Աշխարհում առաջին ռոբոտային սրտի փոխպատվաստման հաջողությունը բեկում է ոչ միայն մեր հաստատության, այլ նաև ամբողջ թագավորության համար՝ մասնագիտացված բժշկության ոլորտում համաշխարհային առաջատարի ուղղությամբ՝ Սաուդյան Արաբիայի տեսլական-2030»-ի համապատասխան», -ընդգծել է բժիշկը:

Աղբյուրը` NEWS.am Medicine

Այս թեմայով Մերգելյանի այգում բարեկարգման առաջին փուլի շինաշխատանքների 90 տոկոսն ավարտված է Վստահ եմ, որ համատեղ ջանքերով մեծ թափ կհաղորդենք ՀՀ-ի և Սաուդյան Արաբիայի միջև համագործակցությանը Սաուդյան Արաբիայում կատարվել է աշխարհում առաջին ամբողջովին ռոբոտացված սրտի փոխպատվաստումը Սաուդյան Արաբիայում կատարվել է աշխարհում առաջին ամբողջովին ռոբոտացված սրտի փոխպատվաստումը Տղամարդու դի՝ անտառում. Նոր Մոսկվայում սպանություն է կատարվել