Իսրայելական հրթիռակոծությունից մեկ օրում Լիբանանում զոհվել է 78 մարդ՝ նաև կանայք և երեխաներ

Վերջին 24 ժամվա ընթացքում Լիբանանի մի շարք շրջաններում իսրայելական հարվածների հետևանքով զոհվել է 78 և վիրավորվել 122 մարդ։ «ՌԻԱ նովոստի»-ն գրում է, որ  չորեքշաբթի այդ մասին ասվում է Լիբանանի առողջապահության նախարարության արտակարգ իրավիճակների կենտրոնի հաղորդագրության մեջ։

«Երեքշաբթի օրը՝ նոյեմբերի 12-ին, իսրայելական թշնամու գրոհների հետևանքով զոհվել է 78 մարդ, վիրավորվել՝ 122-ը»,-ասված է հաղորդագրությունում։

Լիբանանի վրա իսրայելական հարվածների մեկնարկից ի վեր զոհերի թիվը հասել է 3365-ի, 14344 մարդ տարբեր աստիճանի ծանրության վնասվածքներ է ստացել: