Բժիշկը նշել է կանանց կյանքի ավելի բարձր տևողության պատճառները
Գիտություն և Մշակույթ
Կանանց մոտ ուղեղն ավելի դանդաղ է ծերանում, քան տղամարդկանց, իսկ նրանց օրգանիզմն ավելի դիմացկուն է հիվանդությունների նկատմամբ, կարծում է բժիշկ-սրտաբան Մարիա Դուբինսկայան: Այս տարբերությունների պատճառները Նա նշել է Gazeta-ին:
Կանանց կյանքի ավելի բարձր տեւողության գլխավոր պատճառներից մեկը բժիշկն անվանել է հորմոնները։
Նա պարզաբանել է, որ կանացի էստրոգեն հորմոնը պաշտպանում է սիրտն ու անոթները՝ դրանով իսկ կանխելով ինսուլտներն ու ինֆարկտները, մինչդեռ տեստոստերոնը տղամարդկանց դրդում է ռիսկային գործողությունների՝ մեծացնելով վնասվածքների վտանգը:
Դուբինսկայան նաև նշել է, որ կանանց մոտ ավելի կայուն է նյութափոխանակությունը և թթվածնի ու գլյուկոզայի կլանումը։ Սա, բժշկի խոսքով, օգնում է ավելի երկար պահպանել ուղեղի երիտասարդությունն ու լավ կոգնիտիվ ունակությունները։ Բացի այդ, սրտաբանը նշել է, որ կյանքի տևողության վրա ազդում են ամենօրյա սովորությունները։
Նա ընդգծել է, որ սովորաբար տղամարդիկ ավելի քիչ են դիմում բժիշկների եւ ավելի հաճախ են կատարում այնպիսի աշխատանքներ, որոնք թունավոր նյութերի հետ շփում են պահանջում կամ սթրես են առաջացնում: Ալկոհոլը, ծխելը, անհավասարակշիռ սննդակարգը եւ քնի պակասը նույնպես բացասաբար են ազդում կյանքի տեւողության վրա, եզրակացրել է բժիշկը:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
