Պետք է թույլ չտանք, որ որևէ մեկը հարգանքի տուրքի օրը վերածի արկածախնդրության օրվա. Փաշինյանի խոսնակ

«Պետք է թույլ չտալ, որպեսզի Սպիտակի ավերիչ երկրաշարժի տարելիցի օրը՝ դեկտեմբերի 7-ին, որևը մեկը վերածի արկածախնդրության կամ սադրանքի»։ Այդ մասին գրել է Փաշինյանի խոսնակ Նազելի Բաղդասարյանը․

«Դեկտեմբերի 7-ը ոգեկոչման, ոչ թե շահարկման օր է։ Ցավը, հիշատակը և սգացող մարդկանց վիշտը որևէ նպատակով օգտագործելը անթույլատրելի է։

Վաղը՝ դեկտեմբերի 7-ին, մենք պիտի կանգնենք կողք կողքի՝ հիշելու, խնկարկելու, խոնարհվելու և ուժ տալու միմյանց։ Եվ ուրեմն, մենք պետք է թույլ չտանք, որ հարգանքի տուրքի օրը որևէ մեկը՝ լինի հոգևորական, թե աշխարհիկ, այն վերածի արկածախնդրության կամ սադրանքի։
Հիշատակի սրբության անարգման ցանկացած փորձ ոտնահարում է մեր հասարակության արժանապատվությունը, և նման վարքագիծը մեզանում տեղ չունի։

Հարգե՛ք քաղաքիս չսպիացող վերքը»,- գրել է նա։