Առնվազն 50 միավոր՝ 26-րդ անգամ․ Հարդենը շրջանցեց Քոբի Բրայանտին
Սպորտ
Ջեյմս Հարդենը մեկ խաղում վաստակեց 51 միավոր և շրջանցեց Քոբի Բրայանտին։ Երևանի ժամանակով նոյեմբերի 21-ի առավոտյան «Քլիվլենդ Կավալիերսը» Բասկետբոլի ազգային ասոցիացիայի գավաթի խմբային փուլում սեփական հարկի տակ 128։119 հաշվով հաղթեց «Ինդիանա Փեյսերսին»։
37-ամյա Հարդենի համար սա կարիերայի 26-րդ խաղն էր, որում նա վաստակեց առնվազն 50 միավոր։ Բրայանտն այդ սահմանին հասել էր 25 անգամ։ Լիգայի պատմության մեջ այս ցուցանիշով Հարդենին գերազանցում են միայն Ուիլթ Չեմբեռլենը՝ 118 նման խաղով, և Մայքլ Ջորդանը՝ 31-ով։
Հարդենը դիպուկ էր 11 եռամիավոր փորձերից յոթում և իրացրեց բոլոր 14 տուգանային նետումները։ 51 միավորը նաև ընթացիկ մրցաշրջանում նրա լավագույն արդյունքն է։ Դոնովան Միտչելը «Քլիվլենդի» հաշվին ավելացրեց ևս 20 միավոր, իսկ «Ինդիանան» կրեց երրորդ անընդմեջ պարտությունը։


















































Ամենադիտված
Ծովագյուղի Վահրամն ու ՔՊ-ն՝ ընդդեմ Սևանի քաղաքապետի. ընտրությունների գլխավոր ինտրիգը