Թուրքիան չի բացառում, որ Վրաստանում կործանված ռազմական ինքնաթիռը կարող էր խոցված լինել

Վրաստանում թուրքական C-130 ռազմական ինքնաթիռի կործանման գործը հետաքննող փորձագետները ենթադրել են, որ ինքնաթիռը կարող է խոցված լինել, հաղորդում է թուրքական Hürriyet թերթը։

«Մեր ինքնաթիռը կործանվե՞լ է, թե՞ խոցվել է։ Կատարվում է մանրակրկիտ հետաքննություն։ Ուսումնասիրվում են ինչպես ինքնաթիռի կործանման, այնպես էլ խոցվելու հնարավորությունը», - ասել է սյունակագիր Աբդուլքադիր Սելվին։

Նա հավելել է, որ քննարկվում են տարբեր տեսություններ, քանի որ Կովկասը «անկայուն տարածաշրջան» է։