Այսօր այս դահլիճում առողջապահության նախարարը հաղորդում ներկայացրեց հանցագործության մասին. Անուշ Պողոսյան

«Այսօր այս դահլիճում առողջապահության նախարարը հաղորդում ներկայացրեց հանցագործության մասին՝ ասելով որ տարիներ շարունակ գործատուի գործունեության կամ անգործության արդյունքում մարդիկ իրենց տները նստած պետական բյուջեից աշխատավարձեր են ստացել»,- ԱԺ-ում «Հանրային աղմուկը՝ որպես համակեցության կանոնների պահպանման խոչընդոտ» թեմայով խորհրդարանական լսումների ժամանակ հայտարարեց «Առողջության իրավունք իրավապաշտպան» ՀԿ համահիմնադիր Անուշ Պողոսյանը։

 Նա դիմեց քննարկմանը ներկա ՆԳՆ փոխնախարար Արմեն Մկրտչյանին՝ խնդրելով Անահիտ Ավանեսյանի խոսքերը համարել հաղորդում հանցագործության մասին և հասկանալ, թե ինչպես են պետական բյուջեի հաշվին մարդիկ տունը նստած աշխատավարձեր ստացել և ինչու է գործատուն տարիներ շարունակ այդ ամենը հանդուրժել։

«Ի միջի այլոց, հուշեմ ձեզ, որ այդ աշխատակիցները հիվանդությունների վերահսկման և կանխարգելման  աշխպատակիցներն են, որոնց գործատուն Առողջապահության նախարարությունն է»,-ասաց Պողոսյանը։