Գիտնականները պարզել են, թե ինչպես է քնի պակասը ազդում արյան մեջ շաքարի մակարդակի վրա

Չինացի գիտնականները Westlake Life Sciences-ի և Biomedicine լաբորատորիայից պարզել են, որ քնի անբավարար տևողությունը և ուշ ժամերը կապված են արյան գլյուկոզի մակարդակի փոփոխականության հետ: Աշխատանքը հրապարակվել է JAMA Network Open ամսագրում։

Հետազոտությանը մասնակցել է 46-ից 83 տարեկան 1156 մարդ: Գիտնականները վերլուծել են նրանց քնի ռեժիմը մի քանի տարիների ընթացքում և հետևել արյան շաքարի տատանումներին՝ օգտագործելով գլյուկոզայի մշտական ​​մոնիտորինգի համակարգը:

Քնի տևողության հիման վրա առանձնացվել են չորս խմբեր՝ կրիտիկական կարճ (4,1–4,7 ժամ), չափավոր կարճ (5,5–6 ժամ), թեթևակի կարճ (6,8–7,2 ժամ) և բավարար (8–8,4 ժամ): Եվ նաև երկու խումբ՝ հիմնված քնի ժամանակի վրա՝ վաղ քնելու և ուշ քնելու ժամանակ:

Վերլուծությունը ցույց է տվել, որ այն մարդկանց մոտ, ովքեր գիշերը 5 ժամից պակաս են քնում, արյան շաքարի մակարդակը 2,87%-ով ավելի բարձր է եղել և գլյուկոզայի միջին օրական տատանումը՝ 0,06 մմոլ/լ՝ 8 ժամ քնողների համեմատ:

Նրանք, ովքեր ուշ քնել են, ցույց են տվել գլիկեմիկ փոփոխականության 1,18% աճ և 0,02 մմոլ/լ օրական գլյուկոզայի էքսկուրսիաների աճ: Ամենաէական խանգարումները նկատվել են այն մարդկանց մոտ, ովքեր համատեղել են երկու գործոնները՝ կարճ և ուշ քունը:

Հետազոտությունը հաստատում է, որ լավ գիշերային հանգիստը և ժամանակին քնելը առանցքային դեր են խաղում արյան շաքարի նորմալ մակարդակը պահպանելու և շաքարախտի առաջացման ռիսկի նվազեցման գործում:

Թարգմանությունը՝ Մանուել Թամազյանի