Թրամփը խոսել է Ռուսաստանի դեմ նոր պատժամիջոցների մասին
ԱՄՆ
ԱՄՆ նախագահ Դոնալդ Թրամփը հրաժարվել է պատասխանել այն հարցին, թե արդյոք նախատեսում է նոր պատժամիջոցներ սահմանել Ռուսաստանի դեմ։ Այս մասին նա հայտարարել է Սպիտակ տանը լրագրողների հետ հանդիպման ժամանակ, որը հեռարձակել է Fox News հեռուստաալիքը։
Զրույցի ընթացքում լրագրողներից մեկը Սպիտակ տան ղեկավարին հարցրել է, թե արդյոք նա պատրաստվում է նոր հակառուսական պատժամիջոցներ կիրառել «Ուկրաինայի վրա Ռուսաստանի շարունակվող հարձակումների» ֆոնին։
«Դե, նրանք կռվում են միմյանց հետ», - ասել է Թրամփը:
Մի քանի ժամ առաջ ԱՄՆ նախագահը հայտարարել էր, որ Ուկրաինայում կրակի ամբողջական դադարեցումը կարող է տեղի ունենալ «շատ շուտով»: Նրա խոսքով, «այժմ բանակցություններ են ընթանում համաձայնագրի շուրջ»։
Մարտի 18-ին ՌԴ նախագահ Վլադիմիր Պուտինն ու Թրամփն անցկացրել են իրենց երկրորդ պաշտոնապես հաստատված հեռախոսազրույցը։ Ինչպես հաղորդում է Կրեմլը, բանակցությունների ընթացքում Սպիտակ տան սեփականատերը առաջարկ է ներկայացրել Ռուսաստանին և Ուկրաինային՝ 30 օրով փոխադարձաբար զերծ մնալ էներգետիկ ենթակառուցվածքների օբյեկտներին հարվածներից։ Պուտինը համաձայնել է այս առաջարկին և անմիջապես համապատասխան հրաման տվել ռուս զինվորականներին։
Թարգմանությունը՝ Մանուել Թամազյանի
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
