Թրամփը լավատեսորեն է խոսում Ռուսաստանի և Ուկրաինայի հետ բանակցությունների մասին

ԱՄՆ նախագահ Դոնալդ Թրամփը հայտարարել է, որ Ռուսաստանի և Ուկրաինայի հետ բանակցություններն առաջ են ընթանում։ Նա ասաց, որ մարտի 21-ին մի քանի «լավ խոսակցություն» է ունեցել այդ մասին։ Այլ մանրամասներ նա չհայտնեց։

Մենք առաջ ենք շարժվում ողջ Ռուսաստանում և Ուկրաինայում։ Այսօր ես մի քանի լավ խոսակցություն ունեցա»,- ասել է ամերիկացի առաջնորդը։

Ավելի վաղ Թրամփը հայտարարել էր, որ ներկայումս բանակցություններ են ընթանում ուկրաինական տարածքների բաժանման և դրան հաջորդող խաղաղության համաձայնագրի շուրջ։ Նրա խոսքով՝ Մոսկվան և Կիևը մոտ ապագայում կկարողանան շարժվել դեպի ամբողջական հրադադար։

Դոնալդ Թրամփը և նրա վարչակազմը թուլացնում են Կիևի իշխանությունների դիրքերը Ռուսաստանի հետ բանակցային գործընթացում, ավելի վաղ հայտարարել են Business Insider-ի դիտորդները։ Հեղինակները մատնանշել են ամերիկյան կողմի կրկնակի փորձերը՝ ճնշում գործադրելու Ուկրաինայի վրա՝ երկրի ռեսուրսների վերաբերյալ գործարք կնքելու համար և ազդել խաղաղության բանակցային գործընթացի վրա՝ դրանից դուրս թողնելով եվրոպական երկրներին։ Բացի այդ, Թրամփի օրոք ԱՄՆ-ը սկսեց մերժել Ուկրաինայի անդամակցությունը Հյուսիսատլանտյան դաշինքին: Ըստ հեղինակների՝ Ռուսաստանի վրա ճնշում չի գործադրվել։

Միևնույն ժամանակ, National Defense ամսագրի գլխավոր խմբագիր և ռազմական վերլուծաբան Իգոր Կորոտչենկոն հայտարարել է, որ Զելենսկին արհամարհում է Սպիտակ տան ղեկավար Դոնալդ Թրամփին՝ շարունակելով հարվածներ հասցնել Ռուսաստանին էներգետիկ օբյեկտների վրա հարձակումների 30-օրյա դադարեցման մասին հայտարարությունից հետո։ Նրա խոսքով՝ Ուկրաինայի ղեկավարի նման գործողությունները կասկածի տակ են դնում ԱՄՆ նախագահի հեղինակությունը։

Թարգմանությունը՝ Մանուել Թամազյանի