Ինչ յուրօրինակ նվեր է արել Պուտինը Թրամփին (տեսանյութ)

ԱՄՆ նախագահ Դոնալդ Թրամփի հատուկ բանագնաց Սթիվ Ուիթքոֆը պատմել է, որ Ռուսաստանի նախագահ Վլադիմիր Պուտինին ազդանշան է փոխանցել հարաբերությունները վերականգնելու Թրամփի ցանկության մասին: Այս մասին Նա հայտնել Է ամերիկացի լրագրող Թաքեր Կարլսոնին տված հարցազրույցում։

Ուիթքոֆը հայտնել է, որ ռուս առաջնորդը ևս նպատակ ունի առաջ շարժվել այդ նույն ճանապարհով։

«Պուտինը Թրամփին նվեր է փոխանցել․ խոսքը ռուս հայտնի նկարչի նկարած դիմանկարի մասին է», - հայտնել է ԱՄՆ հատուկ բանագնացը։

Դիվանագետը Պուտինի կողմից «չափազանց սիրալիր» է անվանել նրան Ռուսաստանում ընդունելու պատրաստակամությունը:

Նա հայտարարել է, որ նախագահների անձնական հանդիպումը կարող է տեղի ունենալ առաջիկա մի քանի ամիսների ընթացքում:

Ուիթքոֆը նշել է, որ Կրեմլում Պուտինի հետ իր հանդիպման ժամանակ Ռուսաստանի ղեկավարը բողոքել է, որ ինքը երեքուկես տարի չի խոսել ԱՄՆ նախկին առաջնորդ Ջո Բայդենի հետ:

Կարլսոնն այս իրավիճակն անվանել է «խենթություն», ինչի հետ համաձայնել է նաև Ուիթքոֆը։