Ստամբուլում ոստիկանները ցուցարարներին ցրում են՝ կիրառելով ջրցան մեքենաներ և ռետինե փամփուշտներ (տեսանյութ)

Թուրքիայում շարունակվում են զանգվածային բողոքի ցույցերը՝ ի պաշտպանություն Ստամբուլի կալանավորված քաղաքապետի։ Ակցիայի մասնակիցների և ոստիկանների միջև դատարանի շենքի մոտ, որտեղ քաղաքապետը տարվել է հարցաքննության, բախումներ են։

SHOT թելեգրամյան ալիքը գրում է, որ Ստամբուլում ոստիկանությունը սկսել է ջրցան մեքենաներով ցրել ակտիվիստներին։ Օգտագործում են նաև ռետինե փամփուշտներ։ Ակտիվիստները քարեր են նետել նրանց վրա։

Անկարայի ու Իզմիրի փողոցներ են դուրս եկել նաեւ հարյուրավոր մարդիկ, որոնց դեմ ոստիկանությունը հատուկ միջոցներ է կիրառել։

Հիմա  հարցաքննվում է Ստամբուլի կալանավորված քաղաքապետ Էքրեմ Իմամօղլուն։ Նա մեղադրվում է կոռուպցիայի և ահաբեկչական կազմակերպության հետ կապերի մեջ։ Ընդդիմադիր Ժողովրդահանրապետական ​​կուսակցությունը բողոքի ակցիաների կոչ է արել։