«Ո՛չ բռնապետությանը», «արդարությո՛ւն»․ դեպի ՆԳՆ երթը շարունակվում է

«Ո՛չ ոստիկանապետությանը», «ո՛չ բռնապետությանը», «արդարությո՛ւն» վանկարկում են ՔԿ-ի մոտից երթով ՆԳՆ շարժվող բողոքի ակցիայի մասնակիցները։

Ոստիկանությունը հատուկ թիրախավորում է արցախցիներին, ակցիայի ժամանակ ասել է փաստաբան Ռոման Երիցյանը։

«Ես թվարկել եմ բազմաթիվ քննչական գործողություններ, որոնք պետք է կատարվեին Տիգրան Ոլուբաբյանի ահազանգից հետ կապված, սակայն դրանք անելու փոխարեն հրապարակում են անում, թե, իբր, ես կեղծիք եմ տարածում:Ես, այլընտրանք չունենալով, տեսնելով, որ իրավական ճանապարհով արդարության հասնելը հնարավոր չէ, որոշել եմ հանրային եղանակով պայքարել, զերծ պահել ոստիկաններին խտրական վերաբերմունքից, որը դրսևորվում է բոլորիս նկատմամբ», - նշել է նա։