Արքայադուստր Բեատրիսը ամուսնու և դստեր հետ լուսանկարվել է Vogue-ի համար և պատմել իր ծանր հղիության մասին

36-ամյա արքայադուստր Բեատրիսը, ով վերջերս երկրորդ անգամ է մայրացել, ամուսնու՝ Էդոարդո Մապելի-Մոցիի և դստեր՝ Աթենայի հետ լուսանկարվել է բրիտանական Vogue-ի համար։ Նա նաև շարադրություն է գրել ամսագրի համար, որտեղ պատմել է, թե ինչպես է անցել իր երկրորդ հղիությունը։

Բեատրիսի սեփական խոստովանությամբ, նրա հղիության վերջին ամիսները լի էին հուզմունքով և անհանգստությամբ: «Սովորական զննման ժամանակ պարզ դարձավ, որ մեր թանկարժեք բեռը մանրակրկիտ մոնիտորինգի կարիք ունի, և մենք հասկացանք, որ պետք է պատրաստվենք վաղաժամ ծննդաբերությանը»,- կիսվել է արքայադուստրը։

Նա չկարողացավ դադարել մտածել այն մասին, թե ինչպես կանցնի ծննդաբերությունը, նա ասաց. «Այնքան քիչ վերահսկողություն կա։ Արդյո՞ք նա առողջ կլինի։ Կլինե՞ն բարդություններ։ Ինչպե՞ս հավասարակշռել սոցիալական կյանքը և միևնույն ժամանակ ապահովել այդ փոքրիկ մարդու անվտանգությունն ու առողջությունը»։

Բեատրիսը նշեց, որ նույնիսկ բժիշկների հսկողության ներքո ծննդաբերության ելքը կանխատեսել անհնար է, ուստի ապագա մայրը կարող է զգալ ահռելի վախ և անորոշություն՝ բախվելով այս անկանխատեսելիությանը. «Դուք կարող եք փորձել ծրագրել հնարավոր ամեն ինչ հղիության ընթացքում, բայց երբեմն ձեր մարմինը կամ ձեր երեխան այլ ծրագրեր ունեն»։

Այս առումով, Բեատրիսը կարծում է, որ նույնիսկ արտոնյալ դիրքը չի պաշտպանում հղիության այն կողմերից, որոնք համընդհանուր են բոլորի համար.

Ի վերջո, Բեատրիսի համար ամեն ինչ լավ ավարտվեց. Աթենան ծնվեց առողջ, թեև մի քանի շաբաթ շուտ: Այժմ արքայադուստրը ցանկանում է իր ժամանակի մի մասը տրամադրել այլ ընտանիքներին օգնելուն, որոնց երեխաները վաղաժամ են ծնվել։

Հիշեցնենք, որ արքայադուստր Բեատրիսն ամուսնացել է իտալացի արիստոկրատ Էդոարդո Մապելի Մոցիի հետ 2020 թվականին։ Մեկ տարի անց ծնվեց զույգի ավագ դուստրը՝ Սիեննան։

Թարգմանությունը՝ Lurer.com-ի