Պաուլինա Անդրեևան և նրա որդին հեռացել են Ֆյոդոր Բոնդարչուկից

36-ամյա Պաուլինա Անդրեևան, որը վերջերս հայտարարեց 57-ամյա Ֆյոդոր Բոնդարչուկի հետ ամուսնալուծության մասին, արդեն դուրս է բերել իր իրերը ռեժիսորի առանձնատնից և այժմ որդու՝ Իվանի հետ ապրում է Մոսկվայի բնակարանում՝ ժամանակ առ ժամանակ այցելելով Սանկտ Պետերբուրգ: Այս մասին գրում է «Կոմսոմոլսկայա պրավդա»-ն՝ հղում անելով աշխարհիկ շրջանակների իր աղբյուրներին։

Խոսքը մայրաքաղաքի կենտրոնում գտնվող այն բնակարանի մասին է, որը Ֆյոդոր Բոնդարչուկը գնել էր ամուսնությունից մեկ տարի առաջ։ Անհայտ է, թե ինչպես կբաժանվի անշարժ գույքը․ չնայած նախկին ամուսինները ամուսնական պայմանագիր չէին կնքել, շատերը վստահ են, որ ռեժիսորը Անդրեևային առանց կացարանի չի թողնի։ Ֆյոդորի առաջին կինը՝ Սվետլանա Բոնդարչուկը, ամուսնալուծությունից հետո ստացել էր բնակարան Մոսկվայում և ֆինանսական վճարումներ։ Թեև Սվետլանան դատական հայց էր ներկայացրել գույքի բաժանման վերաբերյալ, այդ հարցը վերջիվերջո խաղաղ ճանապարհով կարգավորվեց։

Ներկայումս Ֆյոդոր Բոնդարչուկը բնակվում է իր մերձմոսկովյան տանը՝ առաջին ամուսնությունից ունեցած դստեր՝ Վարվարայի հետ, ով բժշկական խնամքի կարիք ունի, քանի որ առողջական խնդիրներ ունի ծննդյան պահից։ Երկհարկանի առանձնատունը գտնվում է Ռազդորի գյուղում, որտեղ երկար տարիներ գտնվում էր ռեժիսորի հայտնի հոր՝ Սերգեյ Բոնդարչուկի ամառանոցը։ Հենց այդ պատճառով էլ Ֆյոդորը գնել է հարակից հողամասը և այնտեղ կառուցել իր տունը։

Նշենք, որ Ֆյոդոր Բոնդարչուկն ու Պաուլինա Անդրեևան ամուսնացել էին 2019 թվականին՝ չորս տարվա հարաբերություններից հետո, իսկ 2021 թվականին զույգն ունեցավ որդի։ Աշխարհի հայտնի զույգի բաժանության մասին խոսակցություններն արդեն շրջանառվում էին նախորդ տարվանից, և վերջիվերջո դրանք հաստատվեցին։

Ֆյոդոր Բոնդարչուկն առաջին կնոջից՝ Սվետլանա Բոնդարչուկից, ունի նաև չափահաս որդի՝ Սերգեյը։

Թարգմանությունը՝ Lurer.com-ի