Բժիշկը բացատրում է, թե քաղցկեղի որ տեսակն է օրգանիզմում երկաթի պակասություն առաջացնում

Կոլոռեկտալ քաղցկեղի մասին կարող են վկայել ոչ միայն որովայնի ցավը, փորլուծությունը, կղանքի մեջ արյունը, այլև երկաթի դեֆիցիտի անեմիան։ Այս մասին MedicalXpress-ին հայտնել է Mayo Clinic-ի (ԱՄՆ) գաստրոէնտերոլոգ բժիշկ Դերեկ Էբները։

Բժիշկը բացատրեց, որ հաստ աղիքի քաղցկեղի դեպքում ուռուցքները զարգանում են հաստ աղիքում և ուղիղ աղիքում: Վերջին տարիներին հիվանդության այս տեսակը զգալիորեն «երիտասարդացել» է, հիվանդացությունն աճում է մինչև 50 տարեկան մարդկանց մոտ։

Բժիշկ Էբների խոսքով՝ երեք հիմնական ախտանիշ երիտասարդների մոտ ցույց է տալիս կոլոռեկտալ քաղցկեղը՝ արյուն կղանքում, փորլուծություն և որովայնի ցավ: Արյան կորուստը աղիքից հետո, նույնիսկ եթե տեսողականորեն նկատելի չէ, կարող է նաև հանգեցնել մարմնում երկաթի մակարդակի նվազմանը և անեմիայի զարգացմանը:

Գաստրոէնտերոլոգը հավելեց, որ առողջ ապրելակերպը վճռորոշ է աղիների քաղցկեղի կանխարգելման համար։ Այս հիվանդության զարգացման ռիսկը նվազեցնելու համար խորհուրդ է տրվում օրական 30 րոպե մարզվել, խուսափել ալկոհոլից և ծխախոտից, պահպանել առողջ քաշը և սննդակարգում ներառել մրգեր, բանջարեղեն և ամբողջական ձավարեղեն:

Թարգմանությունը՝ Lurer.com-ի