Մոտ 15 հազար քաղաքացի հայտարարագիր է ներկայացրել․ ՊԵԿ նախագահ

Արդեն մոտ 15 հազար քաղաքացի հայտարարագիր է ներկայացրել, բայց այստեղ կարևորը ոչ թե քանակն է, այլ՝ դինամիկան։ Այս մասին լրագրողների հետ զրույցում ասաց ՊԵԿ նախագահ Էդուարդ Հակոբյանը։

«Երբ որ նայում ենք՝ շաբաթական ինչ է տեղի ունենում, իրազեկման արշավները, այդ թվում՝ նաև սոցիալական կրեդիտների շրջանակի ընդլայնումն, իրենց օգուտը, կարծում եմ, բերում են։ Երեկվա դրությամբ՝ 7 հազարից ավել քաղաքացի սոցիալական կրեդիտ է ստացել՝ 600 միլիոն դրամից ավել»,– ասաց նա։

ՊԵԿ նախագահը հայտնեց, որ աշխատում են մի հավելվածի վրա, որը հնարավորություն կտա պարզեցված կերպով բջջային հեռախոսի միջոցով հայտարարագրումն իրականացնել։