Պուտինը «անձնական նվեր» է արել Թրամփին

Կրեմլը չի ​​բացահայտել, թե ՌԴ նախագահ Վլադիմիր Պուտինը ինչ «անձնական նվեր» է արել Սպիտակ տան ղեկավար Դոնալդ Թրամփին ԱՄՆ առաջնորդի հատուկ բանագնաց Սթիվեն Վիտկովի միջոցով, ով մեկնել է Մոսկվա:

«Միակ բանը, որ կարող եմ ձեզ ասել, այն է, որ դա բացարձակապես անձնական նվեր էր, որ նախագահը տվել է իր ամերիկացի գործընկերոջը», - ասել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով ռուս նկարչի՝ իր դիմանկարի մասին տեղեկությունները, որ նվիրել են ամերիկացի առաջնորդ Դոնալդ Թրամփին։

«Նվերի անձնական լինելու պատճառով՝ մենք չենք ցանկանա լրացուցիչ տեղեկություն տալ։ Դե, քանի դեռ նախագահը նպատակահարմար չի համարել մի օր ինքն այդ մասին խոսել»,- նշել է Կրեմլի խոսնակը՝ պատասխանելով ՏԱՍՍ-ի հարցին։

ԱՄՆ նախագահի հատուկ բանագնաց Սթիվեն Վիտկովն ավելի վաղ ասել էր, որ մարտի 13-ին Կրեմլում հանդիպումից հետո Թրամփին նվեր է փոխանցել Պուտինից։ Ռուսաստանի նախագահը, նրա խոսքերով, «պատվիրել է նախագահ Թրամփի գեղեցիկ դիմանկարը ռուս առաջատար նկարչից»։ Ամերիկացի առաջնորդը, ըստ հատուկ ներկայացուցչի, «իսկապես հուզված էր»։