Սոլովյովին ստիպել են ներողություն խնդրել (տեսանյութ)

 Ռուս լրագրող, հեռուստամեկնաբան Վլադիմիր Սոլովյովին չեչենները «ստիպել են» ներողություն խնդրել տեսախցիկի առաջ։ Այս մասին X-ի իր միկրոբլոգում գրել է ռուս քաղաքագետ Անդրեյ Պիվովարովը։

«Իմ վերաբերմունքը հերոսական չեչեն ժողովրդի, ինչպես նաև Կադիրովի անունը կրող գերատեսչությունների հանդեպ հայտնի է։ Իմ խոսքերը ոչ մի կապ չունեն ոչ չեչեն ժողովրդի, ոչ էլ նրա ղեկավարության հետ»,-ասել է Սոլովյովը։

«Չեչենները ստիպեցին Սոլովյովին ներողություն խնդրել տեսախցիկի առաջ։ Ես նրա հանդեպ ոչ մի կարեկցանք չեմ զգում, բայց զարմանում եմ՝ մի՞թե «հայրենասերները», նրա հեռուստադիտողները, զինվորականները՝ նրան նայողները, չեն ամաչում սրանից։ TikTok-ի զորքերը հրապարակայնորեն նվաստացրել են ձեր կուռքին: Եվ նույնիսկ Սոլովյովի համար այլ ելք չկա, բացի տեսախցիկի մեջ այսպես նվնվելուց»,-գրել է Պիվովարովը։