Շատ վատ եմ վերաբերվում, զանգահարել եմ Անդրանիկ Քոչարյանին․ Ալեն Սիմոնյանը՝ լրագրողի հետ կապված միջադեպի մասին

ԱԺ նախագահ Ալեն Սիմոնյանը լրագրողների հետ զրույցում հայտնեց, որ շատ վատ է վերաբերվում ԱԺ ՔՊ–ական պատգամավոր Անդրանիկ Քոչարյանի և լրագրող Հռիփսիմե Ջեբեջյանի միջև օրերս տեղի ունեցած միջադեպին։

«Հենց միջադեպին ծանոթացել եմ, զանգահարել եմ իրեն (Անդրանիկ Քոչարյանին  – խմբ․), խոսել եմ իր հետ, ցանկացել եմ հասկանալ, թե ինչ է տեղի ունեցել»,– ասաց նա։

Սիմոնյանը նշեց, որ իր հետ կապված նման դրվագներ նույնպես եղել են, և ինքը ներողություն է խնդրել ու դրանով «ավելի ուժեղացել»․ «Կարծում եմ՝ յուրաքանչյուր մարդ, ով ներողություն է խնդրում, էլ ավելի է ուժեղանում»։

Հարցին, թե էթիկայի հանձնաժողով պե՞տք է ձևավորվի՝ նա պատասխանեց․ «Թող փաստաթուղթը գա, տեսնենք՝ հարգելի լրագրողներն ինչի տակ են ստորագրել, քննարկենք, հասկանանք։ Դա Աժ նախագահի որոշելիքը չէ, խմբակցությունն է որոշում»։