Նիկոլ Փաշինյանը շարունակում է տեր ման գալ, ոչինչ չի փոխվել. Հայկ Մամիջանյան

Նիկոլ Փաշինյանն ունի արտաքին քաղաքական մեկ օրակարգ՝ այն միջազգային ուժը, կապ չունի, թե որ երկիրն է, Հայաստանին ոնց է վերաբերում, որը կապահովի իր վերարտադրությունը, իր իշխանության մնալը, նրա հետ պատրաստ է մի այլ կարգի բարիդրացիական հարաբերություն պահպանել։ Ոչինչ չի փոխվել՝ Փաշինյանը շարունակում է տեր ման գալ։ Այս մասին լրագրողների հետ զրույցում ասաց ԱԺ «Պատիվ ունեմ» խմբակցության պատգամավոր Հայկ Մամիջանյանը։

«Նա պատրաստ է իրեն տեր ճանաչել ցանկացածին, ով կապահովի իր վերարտադրությունը, ու այստեղ աշխարհագրությունը, աշխարհաքաղաքականությունը բացարձակ կապ չունի»,– հավելեց նա։

Պատգամավորը հիշեցրեց, որ ՀՀ երրորդ նախագահ Սերժ Սարգսայնի օրոք անվճար 50–ից 60 հազար տոննա սպառազինություն է տրվել Հայաստանին․ «Բացի դրանից, կնքվել են պայմանագրեր, որոնցով մինչև հիմա հոխորտում են։ Համ պայմանագիրն ենք կնքել, համ վարկային միջոցներ ներգրավել, իրենցից մի բան էր մնում՝ այդ թղթերի մեջ ոչ մի քանի ձեռք չտալ։ Օրինակ՝ պայմանագրով նախատեսված էր ՀՕՊ համակարգեր, մի քանի հազար ԱԹՍ–ներ, որոնցից մի մասը Հայաստան էր ժամանելու մինչև 2020 թվականը։ Դրանք չպիտի փոխեին, բերեին այդ ՍՈւ–երը, որոնք մարտագլխիկ չունեին»,– ասաց նա։