Պատմության ընթացքում մեզ սխալ ենք պահել ինչ-որ հարցերում, հիմա ճիշտ ենք պահում. Ալեն Սիմոնյան

«Պայմանականորեն եթե դիմացինը վատ բան է անում, նշանակում է մենք է՞լ վատը անենք: Մենք մեր դիրքն ունենք, տեսեք ինչքան ազատ են մեր լրատվամիջոցները, իսկ օրինակ՝ Ադրբեջանում խոսքի ազատությունն այս աստիճանի չէ։ Այս մասին լրագրողների հետ զրույցում ասել է ԱԺ նախագահ Ալեն Սիմոնյանը։

Նրա խոսքով՝ սրանով ՀՀ-ն «անվտանգություն է շահում»։

«Որ եվրոդիտորդները գալիս են և սահմանում անց են կացնում հսկողություն, որ միջազգային զեկույցներ ենք ունենում, որ ՀՀ-ին օգնություն է տրամադրվում, համագործակցություն է տեղի ունենում, բա այդ ամեն ինչը դրա հաշվին է տեղի ունենում, կարող ա՞ մեր դուդուկի, ծիրանի և մեր սիրուն հայի աչքերի համար է տեղի ունենում: Հետո էլ բողոքում եք, ասում եք՝ մեզ վրա հարձակվեցին, աշխարհը ձայն չհանեց: Բա պատմության ընթացքում սխալ ենք մեզ պահել ինչ-որ հարցերում, հիմա ճիշտ ենք մեզ պահում՝ եվրոպական ընտանիքի, մարդու իրավունքների արժեքների, խոսքի ազատության արժեքների տրամաբանության մեջ ենք պահում»,– ասել է Սիմոնյանը: