Մասնագետները նշել են մթերքներ, որոնք անհրաժեշտ է օգտագործել ամեն օր

Դուք կարող եք և պետք է ներառեք վարսակի ալյուր, ռեհանի սերմեր, սպանախ, մածուն և հատապտուղներ ձեր ամենօրյա սննդակարգում: Այս մասին հայտնում է Daily Mail-ը՝ վկայակոչելով Դելավերի և Ալաբամայի համալսարանների սննդաբանների առաջարկությունները։

«Վարսակի ալյուրը ամբողջական հացահատիկի հիանալի աղբյուր է: Նրանք նաև պարունակում են մեծ քանակությամբ բջջանյութ և սնուցիչներ: Բջջանյութը օգնում է ձեզ ավելի երկար կուշտ պահել՝ կանխելով շատակերությունը և կայունացնում է արյան շաքարի մակարդակը», - ասում է դոկտոր Տրիսիա Բեսթը Ալաբամայի համալսարանից:

Բժիշկը հիշեցրեց, որ շաքարավազի և այլ բարձր կալորիականությամբ հավելումների առատությունը կարող է ժխտել վարսակի ալյուրի օգտակար հատկությունները։ Ավելի լավ է այս շիլան ուտել ընկույզով, դարչինով, բանանով և հատապտուղներով, ինչպիսիք են ելակը և հապալասը:

Նշվում է, որ ամենօրյա սննդակարգում հատապտուղների ավելացումը նույնպես օգնում է պահպանել սրտի առողջությունը: Հապալասը, ազնվամորին և ելակը պայքարում են բորբոքման դեմ, բարելավում են ուղեղի աշխատանքը և իջեցնում արյան շաքարը, բացատրում են սննդաբանները։ Հավելյալ առավելություններ կարող եք ստանալ՝ մածունով հատապտուղներ ուտելով։ Այս կերակուրը կօգնի ձեր օրգանիզմը լցնել պրոբիոտիկներով, կալցիումով և սպիտակուցներով:

Դոկտոր Սթեյսի-Ռոբերտս Դևիսը Դելավերի համալսարանից նույնպես խորհուրդ է տվել ամեն օր սպանախ և ռեհանի սերմեր ուտել: Նա բացատրեց, որ երկու ճաշի գդալ ռեհանի սերմերը պարունակում են 15 գրամ մանրաթել, ինչը մեծահասակների համար օրական արժեքի կեսից ավելին է: Սպանախը հարուստ է մագնեզիումով, երկաթով և հակաօքսիդանտներով, որոնք նվազեցնում են բորբոքումն օրգանիզմում, վերականգնում մկանները և բարելավում քնի որակը։

Թարգմանությունը՝ Մանուել Թամազյանի