Նշվել են ալկոհոլի տեսակները, որոնք կարող են փոխարինել չոր գինուն դիաբետով հիվանդների համար

Շաքարային դիաբետով հիվանդների համար «ամենաանվտանգ» ալկոհոլային խմիչքը բնական չոր գինին է։ Որպես այլընտրանք, կարելի է նաև շաբաթը մեկ անգամ խմել օղի, ջին, վիսկի, կոնյակ կամ ցածր ածխաջրերով մուգ գարեջուր: Այս մասին Газета.Ru-ին հայտնել է ROSBIOTECH համալսարանի կենսատեխնոլոգիայի և կենսաօրգանական սինթեզի ամբիոնի դոցենտ Գեորգի Սուսլյանոկը։

Մասնագետի խոսքով՝ քաղցր ըմպելիքները արյան մեջ գլյուկոզայի մակարդակի կտրուկ բարձրացում են առաջացնում։ Այս առումով հատկապես վտանգավոր են հարստացված գինիները։

Մասնագետը պարզաբանեց, որ շաքարային դիաբետի դեպքում խորհուրդ է տրվում ուշադրություն դարձնել ալկոհոլային մթերքներում ածխաջրերի պարունակությանը։ «Ամենաանվտանգ» ըմպելիքը չոր գինին է, սակայն որպես այլընտրանք կարող եք խմել նաև ալկոհոլի թունդ տարբերակները՝ օղի, ջին, վիսկի, կոնյակ։

«Ալկոհոլի պարունակությունը բարձր է, բայց գործնականում շաքար չկա: Առաջարկվող չափաբաժինը օրական 50-100 մլ-ից ոչ ավելի է, շաբաթական մեկ անգամից ոչ ավելի: Կարևոր է ընտրել բարձրորակ ըմպելիքներ, առանց հավելումների կամ կեղտերի», - բացատրեց Սուսլյանկան:

Փորձագետը հավելեց, որ շաքարախտի դեպքում չոր գինին կարելի է փոխարինել նաեւ մուգ գարեջուրով։ Դրա համար կարևոր պայման կլինի ըմպելիքում ածխաջրերի ցածր քանակությունը և չափավոր օգտագործումը՝ շաբաթական մեկ անգամ մինչև 300 մլ:

Թարգմանությունը՝ Lurer.com-ի