Մասնագետները նշել են չինական Changan Uni-S քրոսովերի հինգ առավելությունները

«За рулём» ամսագրի ավտոմոբիլային փորձագետ Ալեքսանդր Վինոգրադովը պատմել է չինական Changan Uni-S քրոսովերի առավելությունների մասին։

«Changan Uni-S-ի ինտերիերում բազմաթիվ ֆիզիկական կոճակներ կան։ Էրգոնոմիկայի հետ կապված որևէ խնդիր չկա։ Մեդիահամակարգի և վիրտուալ գործիքային վահանակի էկրանները մեծ են և տեղակայված շատ հարմար,» — նշել է Վինոգրադովը։

Ղեկը հիշեցնում է մրցարշավային մեքենայի ղեկի կառավարման համակարգը։ Սա ոչ միայն տպավորիչ տեսք ունի, այլև շատ հարմար է։ Բացի այդ, Changan Uni-S-ի առջևի նստատեղերը հիշեցնում են մրցարշավային մեքենաների նստատեղերը, սակայն միևնույն ժամանակ շատ հարմարավետ են։

Changan Uni-S-ի վառելիքի սպառումը կազմում է 8 լիտր 100 կիլոմետրի համար։ Բացի այդ, հնարավոր է մեքենան լիցքավորել АИ-92 բենզինով։

Մինչ այդ, ավտոմոբիլային փորձագետ Սերգեյ Զինովևը պատմել էր երրորդ սերնդի Hyundai Tucson քրոսովերի շահագործման մասին։

Նրա խոսքով՝ խնդիրներ կարող են առաջանալ տուրբոմղիչ շարժիչներով և ռոբոտացված փոխանցումատուփով տարբերակների դեպքում։ Բացի այդ, նման մոդիֆիկացիաները շուկայում բավականին թանկ են։

Ավելի լավ է նախապատվություն տալ G4NA 2.0 (150 ձ․ու․) մթնոլորտային շարժիչով տարբերակին՝ մեխանիկական կամ ավտոմատ փոխանցումատուփով։ Ցանկացած G4NA շարժիչով համակցություն առանց լուրջ խափանումների կարող է անցնել ավելի քան 250 հազար կիլոմետր։

Թարգմանությունը՝ Մանուել Թամազյանի