3–ամյա աղջիկը հոր ատրճանակով կրակել է կրտսեր քրոջ գլխին
Այլ
ԱՄՆ-ում 3–ամյա աղջիկը, տանը հայտնաբերելով հոր լիցքավորված ատրճանակը, կրակել է կրտսեր քրոջ գլխին։ Դեպքի մասին հայտնում է Mirror-ը։
Դեպքը տեղի է ունեցել փետրվարի 28-ին Կանզաս նահանգի Վիչիտա քաղաքի Թեհադաների ընտանիքում։ Այդ օրը երեկոյան երկու երեխաների հայր 34-ամյա Մայքլը զանգահարել է շտապօգնություն՝ հայտնելով, որ ավագ դուստրը կրակել է իր կրտսեր դստեր վրա: Մեկ տարեկան անշունչ աղջկան հիվանդանոց են տեղափոխել, երբ մայրը բացակայում էր տանից։ Նա կատարվածի մասին իմացել է ամուսնուց, որը զանգահարել է իրեն FaceTime-ով։ Երբ նա վերադարձել է տուն, նա բռնել է իր երեք տարեկան դստերը, որը չէր հասկանում, թե ինչ է տեղի ունեցել, բայց անընդհատ կրկնում էր, թե որքան է ցավում։
Ավելի ուշ Մայքլը ոստիկաններին ասել է, որ մնացել է մենակ իր դուստրերի հետ, որոնք ննջելով հեռուստացույց էին դիտում: Նա նրանց հետ նույն սենյակում էր և նույնպես քնել էր՝ լիցքավորված ատրճանակ դնելով բուխարու վրա։ Մի երկու ժամ անց տղամարդն արթնացել է, գնացել է հագուստը փոխելու ու հյուրասենյակից ուժեղ ձայն է լսել։ Մի քանի վայրկյան անց նրա ավագ դուստրը լացակումած վազել է սենյակ։ Հետո նա գտել է Փոքր դստերը՝ անշարժ պառկած բազմոցի վրա՝ գլխին հրազենային վնասվածքով:
Տղամարդը ձերբակալվել է և մեղադրանք է առաջադրվել մի քանի կետերով, այդ թվում՝ ապօրինի զենք պահելու համար:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
