Անարդարացի են ճնշումները, բայց ես կարող եմ պաշտպանվել․ Հովիկ Աղազարյան

Իմ փոխարեն պայմանավորվել են, իմ փոխարեն որոշել են, երբ ծանոթացա նյութերին՝ պարզվեց այլ բաներ էլ են տեղի ունեցել։ Այս մասին  լրագրողների հետ զրույցում ասաց նախկին ՔՊ խմբակցության անդամ, այժմ անկախ պատգամավոր Աղազարյանը՝ նշելով, որ նեկայացված մեղադրանքները չի ընդունում։

Դիտարկմանը, թե ասում են՝ ցուցմունքի ժամանակ չեք ժխտել, որ գումար եք վերացրել, Աղազարյանն արձագանքեց․ «Արամ Մկրտչյանն իմ սանիկն է։ 47–48 տարեկանում ամուսնացավ, դարձա իր հարսանիքի քավորը։ Երբ հիփոթեքով տուն էի վերցրել, վերանորոգման համար ինքը տեսավ, որ որոշակի դժվարություններ ունեմ, տարբեր չափերով ինձ 8 հազար դոլար փող է պարտքով տվել, որը փաստաթղթավորված վերադարձրել եմ իրեն»,– ասաց նա։

Աղազարյանը նշեց, որ  Արամ Մկրտչյանը գրել է Հայկ Նազարյանին, որ իբրև թե 23 հազար դոլար է տվել իրեն և ինքը չի արել գործն ու փողն էլ հետ չի տվել։ 

Հարցին, թե սպասո՞ւմ է, որ արդար ձևով գործը կքննեն՝ Աղազարյանը պատասխանեց. «Ես կարամ պաշտպանվեմ, անարդարացի են ճնշումները, բայց ես կարող եմ պաշտպանվել»։

Հարցին՝  բացահայտումներ կանի՞, Աղազարյանը պատասխանեց. «Հիմա ես բաներ կասեմ, չգիտեմ՝ ինչ ձևով է բացահայտում, ինչ ձևով՝ ոչ, բայց ասելու եմ որոշակի բաներ, որովհետև այս ամեն ինչը հո օդից չընկա՞վ, ինչ-որ հիմք, պատճառ կա, չէ՞, որ ես հայտնվել եմ այս վիճակում»։

Ըստ նրա, առաջին պատճառը Նիկոլ Փաշինյանին մերժելն էր։