Կրակոցներ հնչում են, բայց թիրախային չեն և ինտենսիվ բնույթ չեն կրում․ ՔՊ-ական պատգամավոր (տեսանյութ)

Կրակոցներ, այո՛, հնչում են, բայց թիրախային չեն և ինտենսիվ բնույթ չեն կրում։ Այս մասին լրագրողների հետ զրույցում ասաց Ազգային Ժողովի ՔՊ-ական պատգամավոր Նարեկ Ղահրամանյանը։

Հարցին, թե ադրբեջանցիները ո՞ր կողմ են կրում՝ նա պատասխանեց․ «Չեմ կարող ձեզ երկար բացատրել։ Գոնե մեկ–երկու ամիս պետք է սահման պահած լինեք, որ իմանաք՝ ինչի համար է դա արվում։ Օրինակ, երբ որ սահմանային դիրքերում մառախուղ է լինում, դեռ 2000–ականների սկզբից մարդիկ ուղղակի օդ էին կրակում՝ և այս կողմից, և մյուս կողմից, երբ տեսանելիություն չէր լինում։ Դեպքեր էին լիում, երբ որ մենք էինք կրակում օդ, և իրենք էլ էին նույնն անում․ դա հակառակորդին տեղյակ պահելու համար է, որ մենք մեր դիրքերում ենք, և նույնն էլ իրենք էին անում։ Էս վերջին օրերի կրակոցները չեն կրում թիրախավորված և ինտենիսվ բնույթ։ Վիրավորներ չկան»,– ասաց Ղահրամանյանը՝ նշելով սակայն, որ Ադրբեջանի զինված ուժերի կողմից այդ կրակոցներն «ընդհանուր կայունության, Սյունիքի սահմանամերձ գոտիների համար վտանգ են ներկայացնում»։