Բեն Աֆլեքն առաջին անգամ խոսել է Ջենիֆեր Լոպեսից բաժանվելու մասին

Բեն Աֆլեքն առաջին անգամ մեկնաբանել է իր բաժանումը Ջենիֆեր Լոպեսից։ Զույգը բաժանվել է անցյալ տարի, սակայն ամուսնալուծությունը պաշտոնապես հաստատվել է միայն երեք ամիս առաջ:

«Շատերը փորձում են գտնել ինչ-որ առանձնահատուկ պատճառներ մեր բաժանման համար։ Բայց ճշմարտությունն ավելի պարզ է, քան շատերին թվում է։ Հարաբերություններում մարդկանց մոտ միշտ չէ, որ համընկնում են հայացքները նույն բաների նկատմամբ», – պատմել է դերասանը GQ ամսագրին տված հարցազրույցում։

Նա նաև հավելեց, որ բաժանման պատճառը հայտնիության նկատմամբ տարբեր վերաբերմունքը չէ, ինչպես բազմիցս ասվել է լրատվամիջոցներում։

Բացի այդ, Աֆլեքը մեկնաբանել է իր հարաբերությունները ևս մեկ նախկին կնոջ՝ Ջենիֆեր Գարների հետ․ «Ես շատ հաջողակ եմ, որ ունեմ հիասքանչ գործընկեր՝ Ջենիֆեր Գարները, իմ երեխաների մայրը, ով պարզապես հիանալի է։ Մենք լավ հարաբերությունների մեջ ենք»։

Հիշեցնենք, որ Ջենիֆեր Լոպեսը և Բեն Աֆլեքը ծանոթացել են 2001 թվականին և շուտով սկսել են հանդիպել։ Հետագայում նրանք նշանադրվել են, սակայն մինչև ամուսնություն չեն հասել։ 20 տարի անց նրանք վերամիավորվեցին։ 2022 թվականի ամռանը Բենն ու Ջենիֆերը վերջապես ամուսնացան, սակայն նրանց ամուսնությունը երկար չտևեց։ Անցյալ տարվա օգոստոսի վերջին Լոպեսը դիմել է ամուսնալուծության համար։

Բեն Աֆլեքը և Ջենիֆեր Գարները ամուսնացած էին 2005-2018 թվականներին և մեծացնում են իրենց երեք երեխաներին՝ 19-ամյա Վայոլեթին, 16-ամյա Սերաֆինային և 13-ամյա Սեմուելին։ Չնայած տարաձայնություններին՝ նրանք կարողացել են պահպանել լավ հարաբերություններ ամուսնալուծությունից հետո։ Համացանցում նույնիսկ կարծիքներ են տարածվել, որ Աֆլեքը Լոպեսից բաժանվելուց հետո ցանկանում է վերամիավորվել Ջենիֆեր Գարների հետ։

Թարգմանությունը՝ Lurer.com-ի