Ալսուն դատարանում պարտվել է նախկին ամուսնուն՝ Յան Աբրամովին

Ալսուն դատարանում պարտվել է իր նախկին ամուսնուն՝ Յան Աբրամովին. Մոսկվայի դատարանը հրաժարվել է բավարարել երգչուհու հայցը՝ արգելելու իր նախկին ամուսնուն արտասահման մեկնել։

Ավելի վաղ, 41-ամյա Ալսուն պահանջում էր սահմանափակել գործարարի տեղաշարժը՝ պատճառաբանելով, որ նա ունի պարտքային պարտավորություններ իր նկատմամբ։

«Մոսկվայի ընդհանուր իրավասության դատարանների Telegram-ալիքի հաղորդմամբ, Մոսկվայի Չերտանովսկի շրջանային դատարանի որոշմամբ Ալսու Ռալիֆովնա Աբրամովայի վարչական հայցն անբավարար է ճանաչվել», – նշվում է հաղորդագրությունում։

Նախկին ամուսինները, ովքեր պաշտոնապես բաժանվել են 2024 թվականի օգոստոսին, այժմ դատական գործընթացում են՝ կապված ունեցվածքի բաժանման հետ։ Ավելի վաղ 47-ամյա Աբրամովի փաստաբան Ալեքսանդր Դոբրովինսկին հայտնել էր, որ գործարարը նախկին կնոջը 2,5 միլիարդ ռուբլու փոխհատուցում է առաջարկել, սակայն նա հրաժարվել է այդ համաձայնությունից։ Ինչպես հաղորդվում է, երգչուհին մի քանի հայց է ներկայացրել Աբրամովի դեմ՝ պահանջելով իրեն հանձնել տասը անշարժ գույքային օբյեկտ։

ըստ մամուլի՝ նախկին ամուսինները պետք է բաժանեն հինգ սենյականոց բնակարան Մոսկվայում, տուն Ռուբլյովկայում, Ղրիմում ամառանոց՝ թենիսի կորտերով, ձիարշավարանով և թատրոնով, ինչպես նաև բնակարան Լոնդոնի կենտրոնում։

Համացանցը կարծում է, որ այս կերպ Ալսուն վրեժխնդիր է լինում ամուսնուց դավաճանության համար։ Ըստ խոսակցությունների՝ ամուսնալուծության պատճառը Աբրամովի բազմաքանակ դավաճանություններն էին, որոնցից մեկի անունը նշվում է 29-ամյա Անաստասիա Ռեշետովան՝ ռեփեր Տիմատիի նախկին սիրելին։ Ինքը՝ Ալսուն, անուղղակիորեն հաստատել է Ռեշետովայի և Աբրամովի կապը։ Ռեշետովան ևս արձագանքել է մեղադրանքներին՝ խոստովանելով, որ «հավանաբար, ինչ-որ տեղ արժանացել է» իր հասցեին հնչող քննադատությանը։

Ալսուն և Յան Աբրամովն ամուսնացած են եղել 18 տարի և ունեն երեք երեխա։

Թարգմանությունը՝ Lurer.com-ի