Ռեկորդային օր` Մասիս համայնքում. 9-ամյա Դավիթ Պետրոսյանը սահմանեց հերթական ռեկորդները
Այսօր Մասիս համայնքում օրը ռեկորդային էր։ Մասիսի համայնքապետարանի աջակցությամբ կազմակերպված աննախադեպ այս միջոցառմանը ներկա էին Մասիսի համայնքապետ Դավիթ Համբարձումյանը, համայնքապետարանի ներկայացուցիչներ, բնակավայրերի վարչական ղեկավարներ, բազմաթիվ հյուրեր, բնակիչներ։
Այսօր Մասիս համայնքի բնակիչ, 16 ռեկորդների հեղինակ 9-ամյա Դավիթ Պետրոսյանը սահմանեց հերթական ռեկորդները` դրանք նվիրելով մասիսցի զոհված հայորդիների հիշատակին։
Հերթական` 17-րդ ռեկորդը սահմանելու համար փոքրիկ դյուցազնը
աջ ձեռքով քաշեց 5 մեքենա
(6150կգ քաշով)։
18-րդ ռեկորդի համար մեքենաները քաշեց ատամներով, իսկ 19-րդ ռեկորդը սահմանեց ուժային եռամարտի աշխարհի չեմպիոն, «Դյուցազնագրքի» բազմակի ռեկորդակիր, Գինեսի գրքի ռեկորդակիր Վարազդատ Հակոբյանի հետ` քաշելով կցորդիչով բեռնատարներ` 30 տոննա քաշով։
Աննախադեպ այս միջոցառման ժամանակ ևս մեկ ռեկորդ սահմանեց նաև ռեկորդակիր Արմենակ Ծատուրյանը, ով իր ռեկորդը նվիրեց փոքրիկ Դավիթին` ծննդյան օրվա առթիվ։
Գերլարված ու հետաքրքիր օրն ավարտվեց բազմաթիվ շնորհավորանքներով ու առաջիկա նոր ռեկորդներ սահմանելու մաղթանքներով։
ՈՒՂԻՂ ԵԹԵՐ
Ամենադիտված 
Պլանային ջրանջատում․ տասնյակ հասցեներում ջուր չի լինի
