Մասկն ԱՄՆ-ից պահանջել է դադարեցնել Apple-ի արբանյակային հաղորդակցության առաջխաղացումը

Ամերիկյան Apple կորպորացիան առճակատման մեջ է մտել Tesla-ի և SpaceX-ի հիմնադիր միլիարդատեր Իլոն Մասկի հետ։ Հակամարտության պատճառ է դարձել ընկերությունների մրցակցությունը արբանյակային ծածկույթի միջոցով բջջային կապ չունեցող տարածքների վերացման հարցում: Այս մասին հայտնում է The Wall Street Journal-ը:

Հրատարակությունը հայտնում է, որ Apple-ն ակտիվորեն ներդրումներ է կատարում տիեզերական հաղորդակցության տեխնոլոգիաների մեջ, մինչդեռ SpaceX-ն արդեն տեղակայել է ավելի քան 550 Starlink արբանյակներից բաղկացած համաստեղություն, որն ապահովում է բջջային կապ: Ընկերությունները մրցում են ազդանշանների փոխանցմանն անհրաժեշտ ռադիոսպեկտրի համար:

WSJ-ի աղբյուրների համաձայն՝ Apple-ի ներդրումները տիեզերքում դժգոհություն են առաջացրել Մասկի մոտ։ SpaceX-ը նույնիսկ խնդրել է դաշնային կարգավորող մարմիններին դադարեցնել Apple-ի՝ իր արբանյակային ցանցն ընդլայնելու ջանքերի ֆինանսավորումը:

Լարվածությունն աճել է վերջին ամիսներին, երբ SpaceX-ը և նրա գործընկեր T-Mobile-ն առաջարկել են Apple-ին ինտեգրել Starlink-ի աջակցությունը iPhone-ի մեջ: Ինտենսիվ բանակցություններից հետո կողմերը պայմանավորվածություն են ձեռք բերել SpaceX-ը և T-Mobile արբանյակային բջջային կապը ներառել iPhone-ի ապագա մոդելներում։