Իոաննիսյանը ներկայացրեց Փարաքարում ու Գյումրում արձանագրած խախտումները

«Գյումրիում և Փարաքարում  ընդհանուր արձանագրել ենք 61 խախտում 41 ընտրատեղամասերից, ընթացակարգային խախտումները 16-ն էին՝ 10-ը Գյումրի, 6-ը՝ Փարաքար»,- «Մեդիա կենտրոնում» հրավիրված ասուլիսում ասաց Գյումրիում և Փարաքարում ավագանու արտահերթ ընտրություններին դիտորդական առաքելություն իրականացրած  «Անկախ դիտորդ»-ի ներկայացուցիչ Դանիել Իոաննիսյանը։

Նա ներկայացրեց մի քանի խախտում. «Արձանագրել ենք ընտրողների կազմակերպված տեղաշարժի 1 դեպք  Փարաքարում։

Ընտրողների ուղղորդման  5 դեպք ենք գրանցել Գյումրիում, 2 դեպք՝ Փարաքարում։ Վիճաբանության 4 դեպք է գրանցվել՝ 2-ը Փարաքարում, 2-ը՝ Գյումրիում։  

Բաց քվեարության 3 դեպք ենք արձանագրել Գյումրիում, 2 դեպք՝ Փարաքարում։  

Դիտորդի իրավունքի խախտման 3 դեպք ենք նկատել»։

Քվեաթերթիկների հաշվարկի ժամանակ, նրա ներկայացմամբ, ամենախնդրահարույցը 31/77 տեղամասն էր, որտեղ քվեարկության մի քանի ծրարներից դուրս են բերվել քվեաթերթիկների վրա փակցված տեղամասային կտորնի համար չպարունակող դրոշմանիշեր. «Սա բավականա էական խնդիր է։

31/70 –ում արձանագրել ենք, որ դրոշմանիշերի քանակն ավելի է եղել փաստաթղթավորված քանակից տպագրական խնդիրների հետևանքով։

Այս երկու դեպքերը թեև չենք դիտարեկել մեթոդական առումով, բայց գալիս են վկայելու, որ դրոշմանիշների արտադրության որակը, վստահելիությունը մտահոգիչ են։

Ծրարների որակի հետ կապված խնդիր ենք տեսել։ Բաց քվեարկության դեպքերի էական մասը պայմանավորված էր նրանով, որ ծրարները ներսից սոսնձված  են եղել արտադրության ցածր որակի հետևանքով»։