2023-24թթ. հայ երեխաներին սկսել են ավելի քիչ որդեգրել արտերկրից. նախարար

2023-24 թթ. նվազել են արտասահմանցիների կողմից հայ երեխաների որդեգրման դեպքերը։ ՀՀ Ազգային ժողովի աշխատանքի և սոցիալական հարցերի մշտական հանձնաժողովի արտահերթ նիստի ժամանակ այս մասին ասաց ՀՀ աշխատանքի և սոցիալական հարցերի նախարար Նարեկ Մկրտչյանը` ներկայացնելով ՀՀ կառավարության ծրագրի (2021-2026 թթ.) 2024 թ. կատարման ընթացքի և արդյունքների մասին զեկույցը։

Նրա խոսքով` որդեգրումների ընդհանուր թիվը մնացել է մոտավորապես նույնը` տարեկան ավելի քան 20 դեպք, ընդ որում` 2021 թ. օտարերկրացիները 5 երեխա են որդեգրել, 2022 թվականին՝ 4, 2023 թվականին՝ 2, 2024 թվականին՝ 1։

Նշենք, որ օտարերկրացիների կողմից որդեգրման մասին որոշումներն ընդունում է հատուկ հանձնաժողովը` ՀՀ արդարադատության նախարարության մասնակցությամբ, հնարավոր որդեգրող ծնողների փաստաթղթերի ուսումնասիրության արդյունքում:

Մկրտչյանն ավելացրեց, որ 2023 թվականին ՀՀ մանկատներից ընտանիք է վերադարձվել 7 երեխա, ճգնաժամային խնամքի կենտրոններից՝ 80 երեխա, 2024 թվականին` համապատասխանաբար 3 և 49 երեխա։