Շատերն օր առաջ ասում են՝ բա ու՞ր է մեր երեխան, բայց այդ հարցերի պատասխանը չի խնդիրը․ Անդրանիկ Քոչարյան

Ինչպես հայտնեցինք, ԱԺ-ում ավարտվեց անհետ կորած ծնողների հետ հանդիպումը։ Ծնողներն, ինչպես նախորդ անգամ, այս անգամ ևս իրենց հուզող հարցերի պատասխանները չեն ստացել՝ ասելով, որ ուղղակի ջուր էին ծեծում։

Հանդիպումից հետո Անդրանիկ Քոչարյանն էլ  պատասխանելով լրագրողների հարցերին՝ ասաց․ « 7 ժամ ջուր ծեծել կլինի՞։ Բոլոր հարցերը ստացել են հասցեական պատասխաններ՝ տարբեր մակարդակներով։ Չի եղել մի հարց, որի պատասխանը չեն ստացել, այլ բան է՝ ինչքանով կբավարարի։ Շատերն օր առաջ ասում են՝ բա ու՞ր է մեր երեխան, բայց այդ հարցերի պատասխանը չի  խնդիրը։ Պատասխանը մեր աշխատանքը ճիշտ կազմակերպելու մեջ է, որպեսզի ստանանք այդ հարցերի պատասխանները։ Ծնողներին հասկանալ պետք ա։ Ջուր ծեծելու նպատակ եթե լիներ, ապա այս հավաքը երկրորդ անգամ չէր լինի»։

Նշենք, որ հանդիպմանը  մասնակցում  էին  ԱԱԾ տնօրենը և ՊՆ փոխնախարարը։ Ինչպես ավելի վաղ հայտնել էինք, անհետ կորածների հարազատների հետ հանդիպումն անցել է լարված մթնոլորտում։