Թրամփը խոստացել է կտրել 200-ամյա մագնոլիան Սպիտակ տան մոտ

ԱՄՆ 7-րդ նախագահ Էնդրյու Ջեքսոնի տնկած մագնոլիան Սպիտակ տան մոտ, որը 200 տարեկան է, կկտրեն, քանի որ այն վտանգ է ներկայացնում, տեղեկացրել է երկրի նախագահ Դոնալդ Թրամփը։

«Այդ ծառը... ահավոր վիճակում է, անվտանգության շատ վտանգավոր սպառնալիք Սպիտակ տան մուտքի մոտ... պետք է կտրել այն։ Այդ գործընթացը տեղի կունենա հաջորդ շաբաթ, եւ նրան այլ, շատ գեղեցիկ ծառ կփոխարինի։ Պատմական փայտը կպահպանվի Սպիտակ տան աշխատակիցների կողմից եւ կարող է օգտագործվել այլ՝ ավելի բարձր եւ ազնիվ նպատակների համար»,- գրել է Թրամփը Truth Social սոցցանցի իր էջում։

Ինչպես գրել է Hill պարբեականը, սերմերը, որոնցից ծնվել է այդ ծառը, բերվել էին մոտ 200 տարի առաջ նախկին նախագահ Ջեքսոնի Թենեսիի տնից։