Ձեր աշխատանքը մեթոդական ձեռնարկ է՝ «Երևանի կանաչապատման մեջ արգելված մոտեցումները» վերնագրով. Քրիստինա Վարդանյան

Երևանի Ավագանու անդամ Քրիստինա Վարդանյանը գրում է.

«Հարգելիներս, ձեր գիտելիքներն ու պատկերացումները կանաչապատման մասին խիստ թերի են։ Կրթվեք, մի ամբողջ քաղաքի կենտրոն ավիրեցիք։ Կատալպան՝ Երևանի պայմաններում, ուսումնասիրված է, գիտական փաստ է, որ բույսը փոշենստեցման և տասնյակ այլ էկոծառայությունների առումով թույլ ծառատեսակ է, թեղու հետ առհասարակ անհամեմատելի, իսկ ընտրված գնդաձևը՝ նաև սաղարթ չի ունենալու ստվերացման համար։

Այս բույսը նախատեսված է այգեպուրակային տարածքների համար, ինչն էլ հաշվի են առել ԽՍՀՄ տարիներին ԳՐԱԳԵՏ մասնագետները, որոնց աշխատանքը գիտահեն և օրինակելի է։ Կատալպան 50 տարուց ավել տնկվում է Երևանի այգիներում, բայց ոչ փողոցներում, դա մեր ոլորտում 2*2=4։ Նշում եմ, որ փողոցներում տնկվել են բացառապես բարձրաբուն, լայնասաղարթ ֆունկցիոնալ տեսակներ՝ թեղիներ, սոսիներ, սաֆորաներ, կաղնիներ, հացենիներ…

Կանաչապատումը գիտություն է թվերով հիմավորված, այն, ինչի մասին դուք գաղափար անգամ չունեք։ Ձեր աշխատանքը մեթոդական ձեռնարկ է՝ «Երևանի կանաչապատման մեջ արգելված մոտեցումները»։ Երբեմն, քննության ժամանակ, ուսանողներս համարձակ ձայնով կատարյալ հիմարություն են պնդում, ժպտալով ասում եմ. «Երբեմն լռելն ոսկի է, երբեք մի մտիր այն դաշտը, որտեղ քեզ կջախջախեն»։ Умное лицо (если оно умное) — ещё не признак ума, господа. Все глупости на Земле делаются именно с этим выражением…