Ապրիլի ո՞ր հատվածում գիշերային ժամերին կգրանցվեն բացասական ջերմաստիճաններ

«Այս տարվա ապրիլին օդի ամսական միջին ջերմաստիճանը հանրապետության ողջ տարածքում կանխատեսվում է կլիմայական նորմայից բարձր՝ 1-2 աստիճանով, տեղումների քանակը՝ նորմայի սահմաններում, այսինքը մեզ սպասվում է տաք և բավարար տեղումներով ապրիլ»,-«Արմենպրեսի» մամուլի սրահում ասաց ՇՄՆ Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը։

Նա նշեց, որ ապրիլին գերակշռելու է հարավային լայնություններից ներթափանցող պրոցեսները, բայց չի բացառվում, որ հատկապես ամսվա վերջին օրերին ունենանքն արկտիկական ցուրտ հոսանքների ներխուժում։

«Քանի որ ապրիլին տեղումների քանակի նորմաները բավականին բարձր են և նորմաների սահմաններում է, այն նշանակում է, որ ապրիլին կունենանք բավականաչափ տեղումներ»,-ասաց Սուրենյանը։

Անդրադառնալով ամսվա ընթացում արևադարձային և արկտիկական ցուրտ հոսանքների ներթափանցման դեպքում առավելագույն և նվազագույն ջերմաստիճաններին՝ ՇՄՆ պաշտոնյան ասաց. «Արևադարձային տաք հոսանքների ներթափանցման ժամանակ, Շիրակում, Արագածոտնի, Վայոց Ձորի լեռնային գոտիներում, գեղարքունիքում օդի ջերմաստիճանը կբարձրանա մինչև +21-23 աստիճան, Լոռիում՝ մինչև +21-25 աստիպան, Տավուշում՝ +29-31 աստիճան, Արարատյան դաշտավայրում ցերեկված ժամերին առավելագույն ջերմաստիճանները կտատատնվեն +26-30 աստիճանի սահմաններում, նույնը նաև Վայոց Ձորի նախալեռներում, Սյունիքի հովտային գոտում +28-32 աստիճան, իսկ Սյունիքի նախալեռնային հատվածներում +21-26 աստիճանի սահմաններում։ Երևանում ամսվա ընթացքում օդի առավելագույն ջերմաստիճանը կարող է հասնել մինչև +28-30 աստիճանի»

Սուրենյանը ներկայացրեց նաև արկտիկական ցուրտ օդային հոսանքների դեպքումգիշերային ժամերին կանխատեսվող նվազագույն ջերմաստիճանները։

«Շիրակի, Կոտայքի, արագածոտնի լեռնային գոտիներում, Գեղարքունիք և Սյունքի լեռնային շրջաններում գիշերային ժամերին արկտիկական ցուրտ ներհոսքի դեպքում հնարավոր է ջերմաստիճանի անկում մինչև -6-10 աստիժան, Լոռիում մինչև -2-5 աստիճան, Տավուշում 0-ից մինչև -2 աստիճան։ Արարատյան դաշտում, ի ուրախություն մեզ, բացասական ջերմաստիճաններ չեն կանխատեսվում և նվազագույն ջերմաստիճան սպասվում է ընդամենը 0-ից +3 աստիճան, Սյունիքի նախալեռնային հատվածներում -2-5, իսկ Երևանում նվազագույնը ջերմաստիճանը կլինի 0-ից+2 աստիճան»,-հայտնեց Սուրենյանը։