Ինչ ազդեցություն են թողնում սոցցանցերը հոգեկան առողջության վրա

Սոցիալական ցանցերի չափազանց մեծ օգտագործումը կարող է բացասաբար ազդել հոգեկան առողջության վրա և դեպրեսիա առաջացնել: Այս մասին զգուշացրել է հոգեբան Գալինա Գուբանովան Iz-ի հետ զրույցում։

Նրա խոսքով՝ ռիսկի խմբում են իրենց նկատմամբ չափազանց մեծ պահանջներ ունեցող մարդիկ։ Նման օգտատերերն իրենց համեմատում են անհավանական հաջողության հասած հայտնի բլոգերների հետ։ Վիրտուալ աշխարհում կատարյալ պատկերները ցավ են պատճառում և նախանձ առաջացնում: Շրջապատելով իրեն նման բովանդակությամբ՝ մարդը ուժեղացնում է բացասական մտքերը։ 

Գուբանովան նշել է, որ վիրտուալ աշխարհում «ընկղմվելը» կտրում է իրականությունից, իսկ պակաս զգացմունքային, փխրուն սոցիալական կապերը դեպրեսիա են առաջացնում: Մեկ այլ խնդիր է դումսկոլինգը՝ վատ լուրերի անվերահսկելի և երկար ընթերցումը։ Սա սթրես է առաջացնում և մեծացնում է անհանգստությունը՝ տալով իրավիճակի վերահսկման պատրանք: Գուբանովան խորհուրդ է տվել սահմանափակել սոցցանցերում անցկացրած ժամանակը։