Դռնապանը նորածին երեխա է գտել աղբարկղի մեջ և որոշել որդեգրել նրան (տեսանյութ)

Բրազիլիայի բնակիչը փրկել է երեխային, որին անհայտ անձինք նետել էին աղբամանը։ Այս մասին հայտնում է Daily Mail-ը։

Միջադեպը տեղի է ունեցել Ռիո դե Ժանեյրոյում։ Ինչպես պատմել է ինքը՝ Սամուել Սանտոս անունով դռնապանը, իր գործընկերների հետ վաղ առավոտից աղբ է հավաքելիս եղել, երբ նկատել է տիկնիկի և որոշել այն վերցնել իր դստեր համար։

Սակայն երբ տղամարդը դիպել է «խաղալիքի» ձեռքին, նա սկսել է լացել։ Պարզվել է, որ ինչ-որ մեկը նետել է ողջ երեխային աղբարկղի մեջ։. Աղջկան հոսպիտալացրել են, որտեղ բժիշկները կայունացրել են նրա վիճակը։

Տուժածը գտնվում է բուժհաստատությունում։ Սանտոսը, այժմ, որոշել է որդեգրել փրկված երեխային։ Նա արդեն ունի 10 և 14 տարեկան երկու երեխա։

Աղջկան չեն կարողանա միանգամից խնամատար ընտանիքին հանձնել։ Նախքան նրան Սանտոսին տալը, պատասխանատուները պետք է գտնեն նրա ծնողներին, և եթե նրանց չգտնեն կամ երեխայից հրաժարվեն, փոքրիկը կգնա նոր մոր և հոր մոտ։

Սակայն դռնապանի երեխաներն իրենց ապագա քրոջ համար արդեն սենյակ են հատկացրել։

«Ես նրանց ասացի, որ պետք է սպասել, շատ աշխատանք կա անելու», - ասել է տղամարդը: