Թուրքիայում խաբեբաները կեղծ գանձերի քարտեզներ են վաճառել և ձերբակալվել

Թուրքիայում ձերբակալել են խաբեբաների, ովքեր, օգտվելով մարդկանց արագ հարստանալու ցանկությունից, վաճառել են նրանց կեղծ գանձերի քարտեզներ, գրում է Oddity Central-ը։

Թուրքական ոստիկանությունը ձերբակալել է մի խումբ խաբեբաների, որոնք մարդկանց վաճառել են գանձերի կեղծ քարտեզներ և գումար կորզել «անգին» գտածոները վաճառելու հարցում իրենց օգնության համար։ Գործողությունն իրականացվել է երկրի ինը նահանգներում, որի ընթացքում ձերբակալվել են տասնյակ հանցագործներ։ Նախնական տվյալներով՝ նրանց զոհերը գյուղական բնակավայրերի բնակիչներն են եղել, իսկ ընդհանուր վնասը գերազանցել է 1,3 մլն դոլարը։

Խաբեբաները ճանապարհորդել են գյուղերով՝ տեղացիներին առաջարկելով գնել ձեռքով գծված «հնագույն» գանձերի քարտեզներ: Թուղթն արհեստականորեն հնացված է եղել, իսկ քարտեզներում նշված են եղել տուժածներին ծանոթ իրական վայրեր։ Հանցագործները ներկայացել են որպես այցելուներ եւ, պատճառաբանելով տարածքի անտեղյակությունը, առաջարկել են վաճառել քարտեզը։ Եթե ​​մարդը համաձայնել է ու սկսել է փնտրել, խաբեբաները նորից կապ են հաստատել։

Երբ տուժողը հայտնել է, որ գտել է «գանձը»՝ սովորաբար ոսկեզօծ կեղծիքներ, խաբեբաները ներգրավել են հանցակցին, որը ներկայացել է որպես քահանա: Նա տեսազանգով «հաստատել է» գտածոյի արժեքը, սակայն պնդել, որ այն Թուրքիայում անհնար է վաճառել՝ իր մշակութային արժեքի պատճառով։ Փոխարենը նա օգնություն էառաջարկել արտերկրում վաճառելու հարցում՝ պահանջելով ծառայությունների համար կանխավճար։ Գումարը ստանալուց հետո հանցագործներն անհետացել են։