Չեխիայում 12-17 տարեկան աղջիկների խումբը մասսայական սպանդ է կազմակերպել հիվանդանոցում
Աշխարհ
Չեխիայի Լիբերեց քաղաքի շրջանային հիվանդանոցի մանկական հոգեբուժական բաժանմունքում հոսպիտալացված 12-17 տարեկան վեց աղջիկների խումբը ծրագրել է սպանել գիշերային բուժքույրերին և բոլոր հիվանդներին։ Այս մասին հայտնում է տեղական iDNES.cz հրատարակությունը։
Զեկուցվել է, որ նախապատրաստական աշխատանքները եղել են մանրամասն և ճշգրիտ ժամկետներում: Չեխական պորտալի տվյալներով՝ սպանությունները պետք է տեղի ունենային ապրիլի 3-ին՝ ժամը 22:30-ին, երբ Ա և Բ հիվանդասենյակներում հերթապահում էր գիշերային միայն երկու բուժքույր, որոնց պլանավորել էին սպանել։ Դրանից հետո հարձակվողները ցանկացել են ներխուժել խոհանոց, զինվել դանակներով և հարձակվել այլ հիվանդների վրա։ Այնուհետև աղջիկները ծրագրել են գիշերային ավտոբուսով փախչել անանուն քաղաք, որտեղ նրանք պետք է թաքնվեին: Սակայն ծրագիրն իրականացնել չի հաջողվել, քանի որ իր կյանքի համար վախեցած աղջիկներից մեկը քրոջը պատմել է ծրագրի մասին։
Ձերբակալությունից հետո մեղադրանք է առաջադրվել առնվազն երկու անչափահասի, որոնցից մեկը նախկինում հետաքրքրվել է սերիական մարդասպանների հոգեբանությամբ և խոստովանել, որ երազում է բանտում լինել, իսկ երկրորդը տառապում է դեպրեսիայից և ինքնավնասման հակվածությունից։ Նրա մոտ հայտնաբերվել է նաև ածելի, որը, ենթադրաբար, օգտագործվել է հարձակման ժամանակ:
Դատաբժշկական փորձագետները հաստատել են, որ երկու ամբաստանյալներն էլ տեղյակ են եղել իրենց գործողությունների անօրինականության մասին և վերահսկել են իրենց։
Խմբում ներգրավված մյուս աղջիկներն ասել են, որ այլընտրանք չեն ունեցել․ նրանց սպառնացել են, և նրանք վախեցել իրենց կյանքի համար:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
