Գևորգ Պապոյանն ու Աբդուլլա բին Թոուք Ալ-Մարրին քննարկել են ՀՀ-ԱՄԷ տնտեսական կապերի զարգացման հնարավորությունը

Հայաստանի Հանրապետության էկոնոմիկայի նախարար Գևորգ Պապոյանն ԱՄԷ-ի մայրաքաղաք Աբու Դաբիում մասնակցում է «Ամենամյա ներդրումային համաժողով»-ին։

ՀՀ էկոնոմիկայի նախարարը «Ֆեյսբուք»-ի իր էջում գրել է, որ միջոցառման շրջանակում հանդիպել է ԱՄԷ էկոնոմիկայի նախարար Աբդուլլա բին Թոուք Ալ-Մարրիի հետ։

«Քննարկեցինք Հայաստանի և ԱՄԷ-ի միջև տնտեսական կապերի զարգացման, ապրանքաշրջանառության ծավալների ավելացման, երկու երկրների գործարար համայնքների համագործակցության հնարավորությունները։

Գործընկերոջս ներկայացրեցի Հայաստանի տնտեսական գրավչությանը նպաստող գործոնները, ՀՀ կառավարության կողմից նախաձեռնված ծրագրերը և ներդրումային հնարավորությունները։

Առանձին անդրադարձ է կատարվել զբոսաշրջության, վերականգնվող և կանաչ էներգետիկայի ոլորտներում համագործակցության հնարավորություններին, ինչպես նաև «Խաղաղության խաչմերուկ» նախագծին»,- գրել է Գևորգ Պապոյանը;