ԱՄՆ-ի որոշումը խուճապ է առաջացրել Եվրոպայում

ԱՄՆ պաշտպանության նախարարության բարձրաստիճան պաշտոնյաները դիտարկել են Արևելյան Եվրոպայից 10 հազար զինծառայողների դուրսբերման հնարավորությունը: Այս մասին հայտնում է NBC-ն՝ վկայակոչելով իր աղբյուրները։

Պենտագոնի առաջարկը նախատեսում է 20-հազարանոց զորախմբի մի մասի դուրսբերման հնարավորություն։ Զինվորների ճշգրիտ թիվը, որոնք կարող են դուրս բերվել տարածաշրջանից, դեռ քննարկվում է, բայց խոսքը կարող է գնալ ամերիկյան ուժերի կեսի մասին։

Նշվում է, որ ամերիկյան զորքերի թվաքանակի հնարավոր կրճատումն արդեն իսկ առաջացրել է ԱՄՆ եվրոպական դաշնակիցների մտավախությունները: Հեռուստաալիքի տվյալներով՝ Եվրոպայում Պենտագոնի առաջարկն ընդունել են որպես իր վաղեմի դաշնակիցների հանդեպ պարտավորություններից հրաժարում՝ «աճող ռուսական սպառնալիքի» ֆոնին։