2024 թվականին աշխարհում մահապատիժների թիվը հասել է ռեկորդային ցուցանիշի

Աշխարհում 2024 թվականին իրականացվել է 1634 մահապատիժ, ինչը 32 տոկոսով ավելի է 2023 թվականի համեմատ։ Այս մասին ասվում է Amnesty International-ի ամենամյա զեկույցում։

Կազմակերպության տվյալներով՝ անցյալ տարի ամբողջ աշխարհում մահապատիժների թիվը հասել է ռեկորդային ցուցանիշների՝ 2015 թվականից ի վեր: Զեկույցում գրել են, որ անցյալ տարի մահապատիժների մեծ մասը տեղի է ունեցել Մերձավոր Արևելքի երկրներում։ Արձանագրված դեպքերի 91%-ը բաժին է ընկել Իրանին, Իրաքին և Սաուդյան Արաբիային։

Ընդ որում, Չինաստանի, Հյուսիսային Կորեայի եւ Վիետնամի տվյալները զեկույցում ներառված չեն, քանի որ այդ երկրներում մահապատիժների մասին տեղեկատվությունը գաղտնի է: Կազմակերպությունը չի կարողացել ճշգրիտ տեղեկություններ ստանալ նաև Սիրիայից և Պաղեստինից։