Հնդկաստանը Կիպրոս-Հունաստան-Հայաստան օպտիմալացման առանցքն է՝ Թուրքիային դիմակայելու համար․ AWAZ

Իրանի և Իսրայելի միջև հակամարտության ընթացքում Հայաստանը կարևոր աջակցություն է ցուցաբերել Հնդկաստանին Իրանում արգելափակված իր 110 քաղաքացիների տարհանման հարցում: Այս մասին գրել է հնդկական AWAZ The Voice լրատվական կայքը։

«Հայաստանի հետ ամուր կապերի շնորհիվ Հնդկաստանը հաջողությամբ իրականացրել է Իրանից արգելափակված իր քաղաքացիների անվտանգ տարհանումը։ Սա ընդգծում է երկկողմ համագործակցության խորությունը, ինչպես նաև Հայաստանի՝ որպես վստահելի գործընկերոջ դերը ճգնաժամային պահերին։ Հնդկաստանը Կիպրոս-Հունաստան-Հայաստան օպտիմալացման առանցքն է՝ Թուրքիային դիմակայելու համար։ Հայաստանում Հնդկաստանը դիտվում է որպես իսկական գործընկեր, որն աջակցել է Երևանին և վշտի, և ուրախության մեջ», - ընդգծել է աղբյուրը։

«Այսօր երկու երկրներն էլ համագործակցություն են զարգացնում այնպիսի ոլորտներում, ինչպիսիք են ՏՏ-ն, դեղագործությունը, վերականգնվող էներգետիկան, կանաչ տեխնոլոգիաները, զբոսաշրջությունը և աղետներին դիմակայելու նախագծերը: Ընդ որում, հենց Հնդկաստանի և Հայաստանի միջև շարունակվող պաշտպանական համագործակցությունն է գրավել միջազգային ուշադրությունը», - եզրափակել է կայքը։