«Լավ սովորիր, որ լավ ապրես». Փաշինյանը «պլակատ» ներկայացրեց

Նիկոլ Փաշինյանն այսօր կառավարության նիստի ընթացքում «պլակատ» ներկայացրեց ՝ «Լավ սովորիր, որ լավ ապրես» գրությամբ։

«Միտքը հետևյալն է. նախկինում ասում էին՝ կրթության ռազմավարությունը մեզ համար կարևոր է, առանցքային է, բայց, իմ կարծիքով, մենք այդ ձևակերպումը պետք է փոխենք և վերաձևակերպենք՝ կրթությունն է մեր ռազմավարությունն ընդհանրապես բոլոր հարցերում, ոլորտներում»,- ասել է Նիկոլ Փաշինյանը։

Ըստ նրա, կարևոր է, որ կառավարությունն աշակերտներին ունենա մի ուղերձ, որը լինի նրանց աչքի առաջ և նրանց հասկանալի ու պարզ, լրացուցիչ բացատրությունների կարիք չունեցող։

«Ես հանձնարարական տվեցի, որ ԿԳՄՍ նախարարությունը  մշակի այդ ուղերձը, ուղերձին համապաստախան ձևակերում տրվի։ Մենք եկել ենք եզրակացության և 2025 թվականի սեպտեմբերի 1-ից, ըստ էության, բոլոր դպրոցներում, առնվազն նորակառույց, մեր աշակերտներին այս ուղերձով կդիմավորեն՝ «Լավ սովորիր, որ լավ ապրես։)»,- ասաց Փաշինյանն ու բարձրացրեց «պլակատը»։